У першы дзень фестывалю «Александрыя збірае сяброў», 11 ліпеня, на стадыёне аграгарадка адбудзецца таварыскі футбольны паядынак. Пра гэта расказаў адзін з арганізатараў будучага матчу – капітан каманды артыстаў Магілёўскай вобласці «Днепр-Stars» Павел Любчанка.

Наша каманда сустрэнецца са зборнай зорак расійскай эстрады «Старко». У складзе калектыву выступаюць такія вядомыя выканаўцы, як Улад Тапалаў, П’ер Нарцыс, Міхаіл Грабеншчыкоў, Рыгор Гладкоў і іншыя.

Плануецца, што каментаваць гульню для заўзятараў прама на стадыёне будзе легенда расійскай спартыўнай журналістыкі Віктар Гусеў.

Як адзначыў капітан каманды «Днепр-Stars» Павел Любчанка, ідэя правесці ў нашым рэгіёне такую футбольную сустрэчу з’явілася даўно. Магілёўскія артысты ўжо пачалі падрыхтоўку да маючага адбыцца матчу. Дарэчы, склад «Днепр-Stars» у гэтай гульні збіраюцца ўзмацніць Сяргей Мінскі, Альберт Скараход і Руслан Аляхно.

«Радыё Магілёў»