Абласны этап нацыянальнага конкурсу прыгажосці «Міс Беларусь – 2020» пройдзе 26 студзеня з 11:00 да 18:00 гадзін у Палацы культуры вобласці, удзел у якім прыме больш за сто дзяўчат ва ўзросце ад 18 да 24 гадоў. Самыя ўдачлівыя з канкурсантак ужо 21 сакавіка паспрабуюць свае сілы ў паўфінале, які будзе праходзіць у ДУА «Цэнтр “Нацыянальная школа прыгажосці”» ў сталіцы.

Фінал нацыянальнага конкурсу прыгажосці пройдзе 15 мая 2020 года ў культурна-спартыўным Рэспубліканскім унітарным прадпрыемстве «Палац спорту». Пераможца атрымае карону, буйны грашовы прыз і права прадстаўляць нашу краіну на міжнародных конкурсах.