Жыхарам Крычава раскажуць аб магчымасцях прадпрымальніцкай дзейнасці. Бясплатны семінар-кансультацыя «Як пачаць сваю справу» пройдзе 25 студзеня ў Крычаўскім бізнес-інкубатары. Пра гэта паведаміла кансультант па прадпрымальніцтве праекта «Садзейнічанне занятасці насельніцтва ў малых і сярэдніх гарадах Рэспублікі Беларусь» Альбіна Самусенка.

Удзельнікі семінара азнаёмяцца з кароткім аглядам прадпрымальніцкай дзейнасці ў Магілёўскай вобласці і прававымі асновамі бізнесу, даведаюцца, дзе ўзяць грошы на адкрыццё ўласнай справы, атрымаюць уяўленне аб сістэмах падаткаабкладання, аб заканадаўстве ў сферы рамеснай дзейнасці і самазанятасці. Акрамя таго, фармат мерапрыемства прадугледжвае правядзенне індывідуальных кансультацый.

Семінар пройдзе па адрасе: горад Крычаў, вул. Савецкая, 49 «А». Пачатак – у 11.00.

«Радыё Магілёў»