Арганізатары Міжнароднага маладзёжнага тэатральнага форума «М.@rt.кантакт» абвясцілі аб наборы валанцёраў. Заяўкі ад паўналетніх магілёўцаў прымаюцца да 3 сакавіка. Гугл-форму можна запоўніць па спасылцы: https://forms.gle/vv9uoTFtN4NVTWjf8. Удзельнікаў, якія прайшлі папярэдні адбор, чакае запрашэнне на субяседаванне.

«Дзякуючы ўдзелу ў валанцёрстве, можна атрымаць каштоўны вопыт куратарства, пазнаёміцца з творчымі людзьмі з іншых гарадоў і краін, паглядзець, як працуе фестываль знутры, – адзначылі арганізатары. – Абавязкі валанцёраў уключаюць сустрэчы, суправаджэнне, каардынацыю гасцей, падтрымку працы службаў форума. Усе валанцёры будуць праінструктаваныя».

Міжнародны моладзевы тэатральны форум «М.@rt.кантакт» пройдзе з 21 па 27 сакавіка.

Даведкі па тэл.: (+37529) 131-25-48 – Velcom, (+37529) 241-43-86 – МТС.