Фестываль міжгалактычнай лігі КВЗ пройдзе ў Палацы культуры вобласці Магілёва 1 сакавіка. Пра гэта паведаміў дырэктар абласнога аддзялення Беларускай лігі КВЗ Віталь Кудасаў.

На малой сцэне Палаца культуры вобласці збярэцца больш за 15 каманд з Магілёва, Мінска, Віцебска, Гомеля, Светлагорска, Баркалабава і Горак. Сярод гульцоў – як каманды-пачаткоўцы, так і прафесіяналы.

«Ужо другі год мы працуем па ўнікальнай сістэме: своеасаблівы сімбіёз КВЗ, Лігі смеху і шоу «Голас». Члены журы па выніках гульні набіраюць сабе каманды і працуюць з імі на працягу сезона. Дапамагаюць з жартамі, вучаць працаваць на сцэне. Ужо ў фінале каманды гуляюць самі, паказваюць тое, чаму навучыліся за сезон, – расказаў Віталь Кудасаў. – Такі фармат працы ў мінулым годзе прынёс свае плады. У нас атрымалася тры якасныя каманды КВЗ. Спадзяёмся, у гэтым годзе будзе яшчэ лепш».

Фестываль міжгалактычнай лігі стане першай гульнёй сезона – 2020 у Магілёве.

БЕЛТА