Аляксандр Лукашэнка сёння разгледзеў кадравыя пытанні, паведамілі ў прэс-службе беларускага лідара.

У прыватнасці, кіраўнік дзяржавы прызначыў Аляксандра Субоціна памочнікам Прэзідэнта Рэспублікі Беларусь – інспектарам па Магілёўскай вобласці.

Субоцін Аляксандр Міхайлавіч нарадзіўся ў 1976 годзе ў гарадскім пасёлку Руба пад Віцебскам. Прафесар, доктар біялагічных навук.

У 1998 годзе скончыў Віцебскую дзяржаўную акадэмію ветэрынарнай медыцыны, у 2000-м – Міжнародны інстытут менеджменту.

Далейшая працоўная і навуковая дзейнасць звязаная з Віцебскай ордэна «Знак Пашаны»дзяржаўнай акадэміяй ветэрынарнай медыцыны, дзе вяршыняй кар’еры ў 2012 годзе стала пасада першага прарэктара.

З 2014 года з’яўляўся намеснікам начальніка галоўнага эканамічнага ўпраўлення адміністрацыі Прэзідэнта Рэспублікі Беларусь.

У 2015 годзе прызначаны намеснікам міністра сельскай гаспадаркі і харчавання – дырэктарам Дэпартамента ветэрынарнага і харчовага нагляду Рэспублікі Беларусь.

З 2015 года з’яўляўся генеральным сакратаром рэгіянальнай камісіі па Еўропе Міжнароднага эпізаатычнага бюро.

З 2017-га займаў пасаду памочніка Прэзідэнта Рэспублікі Беларусь–інспектара па Віцебскай вобласці.

З верасня 2018 года Аляксандр Субоцін быў членам Калегіі (міністр) па прамысловасці і аграпрамысловым комплексе Еўразійскай эканамічнай камісіі.