У Камітэце дзяржкантролю Магілёўскай вобласці 27 сакавіка будзе праводзіцца «гарачая лінія» з насельніцтвам на тэму «Праблемныя пытанні пры налічэнні і выплаце заработнай платы ў бюджэтных арганізацыях Магілёўскай вобласці».

У названы дзень грамадзяне з 10.00 да 13.00 і з 14.00 да 17.00 па тэлефоне (80222) 63 82 03 могуць паведаміць спецыялістам КДК інфармацыю аб фактах неабгрунтаванага зніжэння ў 2020 годзе памеру налічанай заработнай платы ў бюджэтных арганізацыях рэгіёна. Камітэт таксама цікавіць меркаванне работнікаў эканамічных (бухгалтарскіх) службаў аб новай сістэме аплаты працы, праблемных пытаннях, якія ўзнікаюць пры налічэнні заработнай платы.

Акрамя таго, аналагічную інфармацыю з дадаткам копій разліковых лістоў за снежань 2019 года, студзень і люты 2020 года можна накіраваць Камітэту дзяржкантролю па электроннай пошце kgkmogilev@mail.belpak.by.