Паводле даных на раніцу 9 красавіка, у Магілёўскай вобласці зарэгістраваны 41 пацверджаны выпадак каранавіруснай інфекцыі. Пра гэта паведаміў начальнік галоўнага ўпраўлення па ахове здароўя Магілёўскага аблвыканкама Аляксандр Старавойтаў.

«Варта адзначыць аператыўную і зладжаную працу медыкаў рэгіёна –усе новыя выпадкі выяўленай інфекцыі пацверджаныя ў людзей, якія ўжо знаходзіліся ў стацыянарах як кантакты першага ўзроўню», – падкрэсліў суразмоўца.

З пачатку распаўсюджвання інфекцыі выпадкі захворвання на каранавірус на тэрыторыі вобласці выяўлены ў Бабруйску, Кіраўску, Крычаве, Магілёве, Асіповічах, Слаўгарадзе і Шклове.