Бабруйск – горад воінскай славы. Фашысцкая акупацыя працягвалася ў Бабруйску роўна тры гады. Гэта быў час пакут і масавых расстрэлаў мірнага насельніцтва, час гераічнай барацьбы падпольшчыкаў і партызан. Фашысты ператварылі горад у непрыступную крэпасць, ён стаў адной з цытадэляў гітлераўцаў на шляху вызваленчага паходу Чырвонай Арміі. Аднак, дзякуючы подзвігу савецкіх воінаў і партызан, супраціўленне акупантаў было зламана. Разгром гітлераўцаў у Бабруйскай аперацыі адкрыў Чырвонай Арміі дарогу на Мінск, а ў гісторыю воінскай славы назаўсёды ўвайшла бітва, якая атрымала назву «Бабруйскі кацёл». 8810 бабруйчан загінула ў гады Вялікай Айчыннай вайны. Глядзіце новы відэаролік праекта СБ «Абеліскі вялікага подзвігу».