Школьнікі Магілёўскай вобласці – пераможцы рэспубліканскага тура прадметных алімпіяд. 71 удзельнік ад нашага рэгіёна заваяваў 36 дыпломаў, 8 заахвочвальных водгукаў і тры спецыяльныя прызы ад міністра адукацыі.

Сёлета эпідсітуацыя ўнесла карэктывы ў заключны этап алімпіяды. Ён праходзіў толькі для 11-класнікаў. Такім чынам, для пераможцаў захавалася магчымасць ільготнага залічэння ва ўстановы вышэйшай адукацыі. Варта адзначыць, што сярод пераможцаў навучэнцы не толькі гімназій і ліцэяў, але і школ, у тым ліку з сельскай мясцовасці.

Нагадаем: рэспубліканская алімпіяда праходзіла па 18 школьных прадметах. У заключным этапе прынялі ўдзел 504 вучні 11-х класаў з усіх рэгіёнаў Беларусі.

ТРК «Магілёў»