Увосень круглую дату адзначыць хакейны клуб «Магілёў» і лядовая арэна абласнога цэнтра. У клубе рыхтуюцца адсвяткаваць юбілей прафесійнага хакея ў рэгіёне. Пра гэта расказаў дырэктар каманды Дзмітрый Генісеў.

«Да самой даты ў нас яшчэ ёсць некалькі месяцаў. Натуральна, мы абмяркоўваем маючае адбыцца свята. Ёсць задумкі. Хутчэй за ўсё, арганізуем фотавыставу, у нас шмат рэтраздымкаў каманды за розныя гады. Мы будзем прасіць рэспубліканскую федэрацыю хакея ў дзень юбілею правесці дамашні паядынак чэмпіянату Беларусі. Таксама ў планах – таварыская гульня з балельшчыкамі, запрасіць на яе хочам і некалькіх гульцоў, якія выступалі за нашу каманду ў пачатку 2000-х. Магу адназначна сказаць, што будзе вельмі многа цікавага», – адзначыў Дзмітрый Генісеў.

«Радыё Магілёў»