Паводле звестак ЦВК на 10.00, прэзідэнцкія выбары адбыліся і ў Магілёўскай вобласці. У рэгіёне прагаласавала 53,87% выбаршчыкаў.

Раней па выніках датэрміновага галасавання адбыліся выбары ў Гомельскай вобласці. Паводле даных на 10.00, яўка выбарцаў у гэтым рэгіёне – 57,82%.

Старшыня ЦВК Лідзія Ярмошына праінфармавала, што выбарчыя ўчасткі адкрыліся і працуюць у штатным рэжыме: прэтэнзій і канфліктаў няма.

Выбары прызнаюцца, калі ў галасаванні прыняло ўдзел больш за палову грамадзян, уключаных у спіс выбаршчыкаў. Створана 5767 участкаў для галасавання, у тым ліку 231 – у санаторыях, прафілакторыях, дамах адпачынку, бальніцах і іншых арганізацыях аховы здароўя, якія аказваюць медыцынскую дапамогу ў стацыянарных умовах, 13 – у воінскіх часцях і 44 – за межамі Беларусі.

Сачыць за ходам выбарчай кампаніі будзе 248 міжнародных і амаль 50 тыс. нацыянальных назіральнікаў.

БЕЛТА