Парадак унясення звестак у Гандлёвы рэестр, у тым ліку рэгістрацыі ў ім інтэрнэт-крам, вызначаны Палажэннем аб Гандлёвым рэестры Рэспублікі Беларусь, зацверджаным пастановай Савета Міністраў Рэспублікі Беларусь ад 2014/12/23 г. № 1227 “Аб зацвярджэнні Палажэння аб Гандлёвым рэестры Рэспублікі Беларусь і Палажэння аб вызначэнні методыкі разліку долі суб’ектаў гандлю ў аб’ёме рознічнага тавараабароту харчовых тавараў у межах г. Мінска, гарадоў абласнога падпарадкавання, раёнаў, прызнанні страціўшымі сілу пастаноў Савета Міністраў Рэспублікі Беларусь і іх структурных элементаў”(далей – Палажэнне).

Пунктам 20 Палажэння вызначана, што рэгістрацыя інтэрнэт-крамаў у Гандлёвым рэестры ажыццяўляецца мясцовымі выканаўчымі і распарадчымі органамі па месцы дзяржаўнай рэгістрацыі суб’ектаў гандлю. У адпаведнасці з пунктам 21 Палажэння рэгістрацыя інтэрнэт-крамаў у Гандлёвым рэестры ажыццяўляецца шляхам унясення звестак пра інтэрнэт-крамы ў Гандлёвы рэестр у адпаведнасці з парадкам ўнясення звестак у Гандлёвы рэестр, устаноўленым у главе 4 Палажэння.

Згодна з пунктам 15 Палажэння пры неабходнасці ўнясення ў Гандлёвы рэестр звестак у дачыненні да некалькіх інтэрнэт-крамаў заявы аб унясенні звестак у Гандлёвы рэестр падаюцца асобна па кожнай інтэрнэт-краме.

Такім чынам, унясенне ў Гандлёвы рэестр звестак аб інтэрнэт-крамах ажыццяўляецца мясцовымі выканаўчымі органамі па месцы дзяржаўнай рэгістрацыі суб’ектаў гандлю. Пры гэтым кожная інтэрнэт-крама, якая належыць аднаму суб’екту гандлю, павінна быць зарэгістравана ў Гандлёвым рэестры асобна.