Структурнае падраздзяленне грамадскага аб’яднання «Магілёўскі АГППК «Віккру» пошукавая група «Айчына» арганізуе і вядзе работу па наступных напрамках:

пошук і ўстанаўленне невядомых пахаванняў і адзіночных магіл часоў Вялікай Айчыннай вайны на тэрыторыі Крычаўскага раёна;

пошук і запіс успамінаў удзельнікаў вайны, відавочцаў і сведак падзей ваеннага часу;

збор матэрыялаў па гісторыі Крычаўшчыны, у тым ліку па перыядзе Вялікай Айчыннай вайны, для раённага краязнаўчага музея.

За час існавання групы (з 2009 г.) праведзены дзясяткі пешых, веласіпедных і лыжных паходаў з навучэнцамі па месцах баявой славы.

У лістападзе-снежні 2012 года падчас будаўнічых работ па ўзвядзенні корпуса раённай бальніцы пры непасрэдным садзейнічанні групы сабраны фрагменты касцяных рэштак і амуніцыі 9 ваеннаслужачых РККА, якія былі ўрачыста перапахаваны побач з брацкай магілай па вул. Сірацініна на беразе р. Сож 21 чэрвеня 2013 года.

Дзякуючы працы навучэнцаў і педагогаў з матэрыяламі сайта АБД «Мемарыял» устаноўлены:

• раней невядомыя звесткі пра 805 крычаўчан, якія загінулі на р. Проня ў 1943-44 гадах;
• баявы шлях Героя Савецкага Саюза капітана Гаманкова Івана Пракаповіча (1919 – 1980 гг.);
• баявы шлях падпалкоўніка Ляшчынера Ісаака Давыдавіча (1907 – 1944 гг), намесніка камандзіра 718-га сп 139-й сд;
• баявы шлях гв. падпалкоўніка Ляшко Дзмітрыя Канстанцінавіча (1908 – 1944 гг), намесніка камандзіра-га 9 Варонежскага ЗАК СПА.

Група шэфствуе над памятным знакам, усталяваным на месцы падзення самалёта 28-га ЗАП 15 жніўня 1975 года падчас навучальнага палёту (в. Ліпаўка Крычаўскага раёна).

Збіраем звесткі аб начным штурме Крычава 29-30 ліпеня 1941-га года дэсантнікамі 4-га ПДК.

Перыядычна публікуем ў раённай газеце звесткі пра воінаў, якія абаранялі і вызвалялі Крычаўскую зямлю, пра землякоў-герояў.

Кіраўнік групы – Цітоў Канстанцін Мацвеевіч.

Адрас: 213500, Магілёўская вобласць, г. Крычаў, вул. Супрунова, 7, ДУА «Сярэдняя школа №1 г. Крычаў», пошукавая група «Айчына ».

Тэлефон: +375 29 9280110 (Вэлком)

E-mail: konstantin.titov.52@mail.ru