Лесвіца з каскадным фантанам з’явіцца ў Паднікольскім парку Магілёва. Марш будзе весці ад аўтазаправачнай станцыі каля абласнога кадэцкага вучылішча да цэнтральнай алеі, якая ўжо закладзена. У цэлым тэрыторыя Падніколля ўмоўна падзелена на зоны: музейна-гістарычную, гістарычнай забудовы, культурных мерапрыемстваў, ціхага адпачынку, рэкрэацыйна-аздараўленчую, пляжную і гаспадарча-бытавую. Тут размесцяцца веласіпедныя і пешаходныя дарожкі, газоны і клумбы, лаўкі, фантаны, альтанкі, мосцікі для маладых і малыя архітэктурныя формы. На самым уездзе ў парк ужо будуецца прыватны рэстаран з міні-гасцініцай і аўтамабільнай паркоўкай.