Мітынг, прысвечаны Дню Незалежнасці Рэспублікі Беларусь, прайшоў 3 ліпеня на мемарыяльным комплексе «Буйніцкае поле» ў Магілёўскім раёне. Ускласці вянкі і кветкі на святым для кожнага жыхара Прыдняпроўскага краю месцы прыйшлі кіраўнікі горада і вобласці, прадстаўнікі абласнога і гарадскога Савета дэпутатаў, сілавых структур, грамадскіх арганізацый, працоўных калектываў, ветэраны і моладзь. Памяць загінулых салдат ушанавалі хвілінай маўчання, у іх гонар прагучаў зброевы салют. У межах мерапрыемства прайшла цырымонія ўручэння выдатным жыхарам Прыдняпроўскага краю пасведчанняў аб унясенні ў Кнігу славы Магілёўшчыны. Пасля мітынгу яго ўдзельнікі па традыцыі ўсклалі кветкі да памятнага знака вядомаму пісьменніку Канстанціну Сіманаву.