Сёння, 15 мая, на прамую тэлефонную лінію да памочніка Прэзідэнта – інспектара па Магілёўскай вобласці Аляксандра Субоціна – звярнуліся жыхары Магілёўскай вобласці. Асноўныя пытанні тычыліся работы ЖКГ, рэгістрацыі нерухомасці, рамонту дарог. Пасля завяршэння працы Аляксандр Субоцін назваў агучаныя пытанні «жыццёвымі» і запэўніў, што ўсе яны будуць перагледжаны, вывучаны і па кожным з іх будзе прынята рашэнне. Інспектар па Магілёўскай вобласці адзначыў, што асобныя пазіцыі патрабуюць больш пільнай увагі, і не толькі абласных службаў.