Спектакль «Жанчына мора» закрые тэатральны сезон Магілёўскага абласнога драмтэатра. Прэм’ера драмы на дзве дзеі адбудзецца 27-28 ліпеня. «Жанчына мора» («Жанчына з мора», «Эліда») – адна з самых паэтычных п’ес нарвежскага драматурга Генрыка Ібсена. На магілёўскай сцэне даў ёй жыццё таленавіты творчы тандэм з Літвы – галоўны рэжысёр драмтэатра Саўлюс Варнас і мастачка Юратэ Рачынскайтэ. Стваральнікі спектакля разам з аўтарам даследуюць метафізіку кахання, жаночы пачатак, імкненне чалавека да шчасця.