Перапахаванне астанкаў салдат і камандзіраў Чырвонай арміі, якія загінулі ў 1941-1944 гадах, адбылося 17 ліпеня ў в.Красніца Быхаўскага раёна. Урачыстая цырымонія стала вынікам “Вахты памяці”, якая праходзіла ў чэрвені ў ваколіцах вёсак Быхаўскага і Чавускага раёна. Падчас раскопак былі падняты астанкі 24 савецкіх салдат з фрагментамі амуніцыі. З іх 19 – на Быхаўшчыне, якія і пахавалі ў брацкай магіле.