У мікрараёне Камсамольскі Крычава 1 верасня адкрылі новую школу №8 на 1020 месцаў. Ва ўрачыстай цырымоніі прынялі ўдзел намеснік прэм’ер-міністра Беларусі Анатоль Калінін і старшыня Магілёўскага аблвыканкама Уладзімір Даманеўскі. У новым навучальным годзе ў школе будзе навучацца амаль тысяча дзяцей, у тым ліку чатыры першыя класы. У школе ўкаранёна сучасная сістэма электроннага доступу, маецца спартыўны, гімнастычны і трэнажорны залы, тры камп’ютарныя класы. Пастараліся і з добраўпарадкаваннем прылеглай тэрыторыі. Паколькі школа знаходзіцца ў вялікім спальным мікрараёне, прадугледжаны спартыўныя і дзіцячыя гульнявыя пляцоўкі. Пабудаваны стадыён і бегавыя дарожкі. На фінішную прамую выйшлі работы і па будаўніцтве басейна. Яго плануецца ўвесці ў эксплуатацыю ў кастрычніку.

Фота - газета «Крычаўскае жыццё»