Ушанаванне прадстаўнікоў будаўнічай галіны Магілёўшчыны адбылося 10 студзеня ў Палацы культуры вобласці. Ганаровыя граматы і падзякі Магілёўскага абласнога выканаўчага камітэта, абласнога Савета дэпутатаў, абласнога аб'яднання прафсаюзаў за добрасумленную працу, высокае прафесійнае майстэрства атрымалі работнікі, якія ўнеслі вялікі асабісты ўклад у якасную падрыхтоўку новага корпуса Асіповіцкай цэнтральнай раённай бальніцы, рэканструкцыю пуцеправода праз чыгунку па вуліцы Першамайскай у Магілёве і радзільнага дома Магілёўскай гарадской бальніцы СМП.