Дэлегацыя правінцыі Цзянсу Кітайскай Народнай Рэспублікі на чале з віцэ-губернатарам Ма Цюлінь з афіцыйным візітам наведала Магілёўскую вобласць. На сустрэчы са старшынёй аблвыканкама Уладзімірам Даманеўскім бакі абмеркавалі гандлёва-эканамічныя адносіны, перспектыўныя напрамкі супрацоўніцтва і інш. Пасля завяршэння гутаркі прадстаўнікі Магілёўскай вобласці і правінцыі Цзянсу падпісалі тры кантракты аб партнёрстве. Дакументы прадугледжваюць стварэнне сумесных вытворчасцей па выпуску ялавічыны і грыбоў у Крычаўскім раёне і пагадненне аб развіцці турыстычных паслуг. Пасля дзелавыя колы прынялі ўдзел у бізнес-форуме, які прайшоў на базе Магілёўскага аддзялення Беларускай гандлёва-прамысловай палаты.