Турыстычны злёт работнікаў Магілёўскага аблвыканкама, яго структурных падраздзяленняў, сілавых структур і ведамстваў, пракуратуры, а таксама шэрагу іншых арганізацый рэгіёна, якія ўваходзяць у прафсаюз работнікаў дзяржаўных устаноў, пройдзе з 24 па 26 жніўня ў Чавускім раёне на базе спартыўна-аздараўленчага цэнтра «Рудэя». За прызавыя месцы будзе змагацца каля 200 чалавек у складзе 10 каманд.

Прафсаюзная народна-патрыятычная акцыя «Мы – разам!» збярэ 24 жніўня ў Глуску амаль 700 гледачоў. Мерапрыемства стартуе ў 18.00 на цэнтральным стадыёне райцэнтра і будзе ўключаць выступленне вядомых эстрадных артыстаў і фіналістаў рэспубліканскага прафсаюзнага конкурсу «Новыя імёны Беларусі», а таксама ўшанаванне заслужаных працоўных дынастый раёна.

У Кіраўскім раёне ратавальнікі знайшлі мужчыну, які заблудзіўся ў лесе, як паведамілі ў МНС.

Знаёмая мужчыны 19 жніўня ў 21.57 паведаміла ў МНС аб тым, што ён згубіўся ў лесе ў в. Скачок. «Для пошукаў былі задзейнічаны супрацоўнікі РАУС і ратавальнікі з сабакамі Рэспубліканскага атрада спецыяльнага прызначэння МНС. Прыкладна ў 5.00 мужчына быў знойдзены пры абследаванні лесу. Яго стан здавальняльны, у медыцынскай дапамозе ён не меў патрэбы», – заўважылі ў МНС.

Свята «Дзень земляка» і спаборніцтвы па лоўлі рыбы «Кубак Замкавай гары» пройдуць у аграгарадку Горы Горацкага раёна на выхадных. Пра гэта паведамілі ў райвыканкаме.

Падведзены вынікі конкурсу Праграмы малых грантаў Глабальнага экалагічнага фонду. Па яго выніках праект «Палацава-паркавы ансамбль – тэрыторыя экатурызму і чыстай экалогіі» стаў адным з пераможцаў. На яго рэалізацыю фондам будзе выдзелена $50 тыс., паведамляе сайт гістарычнага музея Крычава.

Распрацоўшчыкам праекта з’яўляецца дзяржаўная ўстанова культуры «Гістарычны музей г. Крычава». Партнёрамі выступаюць Крычаўская раённая арганізацыя Беларускага грамадскага аб’яднання ветэранаў і УКПП «Камунальнік».

У Магілёўскай вобласці жніво перасягнула экватар. У сельгаспрадпрыемствах рэгіёна ўжо 30 экіпажаў, якія намалацілі больш за 1 тыс. т збожжа. Лідар сярод камбайнераў – Аляксей Макосаў з ЗАТ «Агракамбінат «Зара»» Магілёўскага раёна. Разам са сваім памочнікам Мікалаем Мінчанкам Аляксей на ўчарашнюю раніцу намалаціў 2428 тон. У гаспадарцы кажуць: не выключана, што сёння да вечара экіпаж Макосава стане трохтысячнікам – першым у вобласці.

За мінулыя суткі ў Магілёўскай вобласці адбылося два пажары, адзін скончыўся гібеллю чалавека. Пра гэта паведамілі ў Цэнтры бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС.

Так, 7 жніўня а дзясятай гадзіне вечара паступіла паведамленне аб пажары ў жылым доме па вуліцы Багамазы ў аграгарадку Межысеткі Магілёўскага раёна. У выніку ўзгарання загінуў гаспадар 1948 года нараджэння. Пляменнік пенсіянера атрымаў апёкі верхніх дыхальных шляхоў і быў шпіталізаваны. Прычына пажару ўстанаўліваецца.

У Горках аднагадовы хлопчык атрымаў хімапёк, пераблытаўшы кіслату з газіроўкай. Пра гэта паведамілі ў следчым камітэце.

Інцыдэнт адбыўся 5 жніўня. Бабуля дзіцяці пачула рэзкі плач і ўбачыла ў руках хлопчыка пустую бутэльку ад газаванага напою. У ёй захоўвалася кіслата, якой 31 ліпеня бацькі хлопчыка чысцілі трубы.

Экіпаж камбайнераў з Кіраўскага раёна першым у Магілёўскай вобласці намалаціў 1 тыс. т збожжа. Тэмп уборкі ў рэгіёне, як і ў папярэднія гады, пачалі задаваць вопытныя хлебаробы ААТ «Рассвет» імя К. П. Арлоўскага. Першым перасячы тысячны рубеж удалося экіпажу камбайна «Нью Холанд» у складзе Мікалая і Андрэя Драздоў.

Магілёўшчына пакуль прыбрала менш за ўсіх хлеба. Па аператыўнай інфармацыі Мінсельгасхарча, на ўчарашні дзень у рэгіёне збожжавыя былі абмалочаны крыху больш чым на 16% ад усёй плошчы. Такое адставанне ад іншых рэгіёнаў тлумачыцца проста: надвор’е падвяло.

Работнік МНС у вольны ад нясення службы час выратаваў на вадаёме ў Клімавічах 8-класніцу і яе маці. Пра гэта карэспандэнту сайта паведамілі ў Магілёўскім абласным упраўленні МНС.

Фестываль «Макавей» адбудзецца 14 жніўня ля помніка прыроды рэспубліканскага значэння «Блакітная крыніца» ў Слаўгарадскім раёне. Пра гэта паведамілі ў раённым выканаўчым камітэце.

Раніцай у 8.00 у Свята-Макавееўскай капліцы адбудзецца малебныя спевы з акафістам. У 11.00 плануецца пачаць хрэсны ход з асвятленнем вады, мёду, лекавых траў. Пасля тагоўсім жадаючым прапануюць здзейсніць абрад Хрышчэння.

Па ўзгадненні з Магілёўскім аблвыканкамам прызначаны новы дырэктар ДУКДБП «Круглянская ПМК-266». Ім стаў Віталь Шумейка, які раней працаваў галоўным інжынерам камунальнага ўнітарнага даччынага прадпрыемства «Упраўленне капітальным будаўніцтвам г. Магілёва».

Чавусы наведаў Надзвычайны і Паўнамоцны Пасол Рэспублікі Малдова ў Рэспубліцы Беларусь Віктар Сарачан. Пасля сустрэчы са старшынёй райвыканкама Сяргеем Драздоўскім адбылася пасадка памятнага дрэва на алеі дружбы сумесная з намеснікам начальніка ўпраўлення ідэалагічнай працы Магілёўскага аблвыканкама Віктарам Бубянцовым, дэлегацыямі Дрыбінскага, Быхаўскага і Крычаўскага раёнаў экскурсія па Чавускім раённым гісторыка-краязнаўчым музеі.

Расійскі тэлеканал НТВ прыступіў да здымак асобных сцэн фільма «Чарнобыль» у Хоцімску.

Галоўныя ролі ў 12-серыйнай драме пра будні герояў-ліквідатараў выконваюць Ігар Пятрэнка і Надзея Міхалкова. Таксама ў стужцы занятыя Марыя Андрэева, Аляксандр Ільін-малодшы, Уладзімір Юматаў, Дзмітрый Муляр, Аляксандр Феклістаў, Алена Якаўлева, Юрый Цурыла і Барыс Каморзін.

У Бабруйскім раёне рыбак трапіў у рэанімацыю з электратраўмай, атрыманай пры плаванні каля лініі электраперадачы, паведаміў начальнік інфармацыйна-аналітычнага аддзела ДВА «Белэнерга» Аляксандр Малькоў.

У Касцюковіцкі раён паступіла новая сельскагаспадарчая тэхніка. Пра гэта паведаміў намеснік начальніка ўпраўлення па сельскай гаспадарцы і харчаванню райвыканкама Аляксандр Амельчанка.

Касілкі набылі КСУП «Дзямідавіцкі», КСУП «Саматэвічы Агра» і філіял № 1 «Цэмагра» ААТ «Беларускі цэментны завод». Тэхніка ўжо ў рабоце і паказала сябе з добрага боку.

Каралеву «Вялікай бард-рыбалкі» ў трэці раз выберуць на аднайменным ужо дзявятым Міжнародным музычна-спартыўным свяце, якое пройдзе 27-29 ліпеня ў пасёлку Грудзічына (Чыгірынскае вадасховішча) Быхаўскага раёна.

Партнёр праекта кампанія «Магілёўаблтурыст» прадаставіць магчымасць да канца 2018 года пераможцы конкурсу здзейсніць тур у адзін з гарадоў Беларусі (пуцёўка на дваіх), а аргкамітэт фестывалю заснаваў для яе грашовы прыз і каштоўны падарунак. Яна таксама атрымае спецыяльны дыплом і пераходную карону ручной работы.

Папулярны тэлевядучы, бард, знаўца гульні «Што? Дзе? Калі?», журналіст і пісьменнік Барыс Бурда ўзначаліць журы адкрытага чэмпіянату па падрыхтоўцы юшкі на «Вялікай бард-рыбалцы». Пра гэта паведамілі арганізатары музычна-спартыўнага свята.

У Год малой радзімы «Тэлекампанія Шклоў» пачала новы праект «Малая радзіма малымі вачыма». Хлопчыкі і дзяўчынкі Шклоўшчыны распавядаюць пра месца, дзе нарадзіліся, багатую гісторыю і прыгажосць роднага краю, аб працавітых і знакамітых земляках. Дзеці шчыра дзеляцца ўражаннямі і эмоцыямі.

Як адзначыла аўтар праекта Наталля Бычкова, галоўная мэта новай рубрыкі - прышчапіць дзецям любоў да Радзімы, навучыць цаніць, берагчы і не забываць тое месца, дзе яны з'явіліся на свет, выраслі і ўпершыню адчулі шчасце жыцця.