Традыцыйны міжнародны турнір па гандболе сярод мужчынскіх каманд на прыз маршала СССР, двойчы Героя Савецкага Саюза Івана Якубоўскага адбудзецца 9-10 снежня ў Горках. Спаборніцтва прыме мясцовая Лядовая арэна.

На пляцоўцы палігона «Асіповіцкі» вайсковай часці 12147 да 29 снежня ў працоўныя дні з 10.00 да 18.00 праводзяцца планавыя падрыўныя работы.

У Глуску пасля капрамонту адкрыўся плавальны басейн. Ва ўрачыстай цырымоніі прынялі ўдзел кіраўніцтва аблвыканкама, райвыканкама, прадстаўнікі працоўных калектываў, грамадскасці і моладзь, паведаміў начальнік упраўлення адукацыі аблвыканкама Уладзімір Рыжкоў.

На днях пад эгідай намесніка старшыні Быхаўскага райвыканкама Аляксандра Папкова ў Чарнаборскім сельскім савеце прайшоў семінар па навядзенні парадку на зямлі. Удзельнікі мерапрыемства – старшыні сельвыканкамаў, вулічных камітэтаў, страрасты вёсак, прадстаўнікі СМІ вобласці на свае вочы пераканаліся, як добраўпарадкаванне змяняе аблічча населенага пункта на прыкладзе в.Залотва.

Урачыстая цырымонія ўзнагароджання фіналістаў і пераможцаў конкурсу # ЛюблюГеаграфію адбылася ў Мінску. Найлепшым стаў прадстаўнік Свенскай сярэдняй школы Слаўгарадскага раёна Вячаслаў Фёдараў, паведамляе інфармацыйна-аналітычны партал Саюзнай дзяржавы.

На сесіі Магілёўскага абласнога Савета дэпутатаў сёння зацверджаны праект рашэння, якім вызначаны пералікі населеных пунктаў, тэрыторый за населенымі пунктамі рэгіёна, якія адносяцца да тэрыторыі сельскай мясцовасці, і малых гарадскіх паселішчаў, на якія будзе распаўсюджвацца дзеянне падпунктаў 1.1 і 1.5 пункта 1 Указа Прэзідэнта Беларусі №345 «Аб развіцці гандлю, грамадскага харчавання і бытавога абслугоўвання».

У прыватным жылым доме ў в. Слабодка Шклоўскага раёна адбыўся разрыў ацяпляльнага катла на цвёрдым паліве. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

Інфармацыйна-спартыўны комплекс з’явіўся ў Чэрыкаве. Урачыстае адкрыццё новага аб’екта адбылося 24 лістапада ў райцэнтры, перадае карэспандэнт сайта.

Развіццё і аднаўленне сеткі рэспубліканскіх і мясцовых аўтамабільных дарог Магілёўскай вобласці абмеркавалі на семінары-нарадзе ў Асіповіцкім раёне. Пра гэта паведамілі ў адміністрацыі РУП «Магілёўаўтадар».

Спецыялісты з 13 краін з’едуцца ў Горкі на міжнародную навуковую канферэнцыю па аквакультуры сярод маладых навукоўцаў. Пра гэта паведамілі ў Беларускай дзяржаўнай сельскагаспадарчай акадэміі.

VI Міжрэгіянальны фестываль-свята аматарскіх тэатраў «Тэатральныя вечарыны-2017» пройдзе 24-26 лістапада ў Краснаполлі. Форум арганізаваны ў рамках сумеснага праекта Еўрапейскага Саюза і ПРААН «Садзеянне развіццю на мясцовым узроўні ў Рэспубліцы Беларусь», паведамілі карэспандэнту сайта ў райвыканкаме.

Ордэнам Маці за нараджэнне і выхаванне пяці і больш дзяцей узнагароджаны пяць жыхарак Гродзенскай і Магілёўскай абласцей. Адпаведны ўказ №418 Прэзідэнт Беларусі Аляксандр Лукашэнка падпісаў 22 лістапада, паведамілі ў прэс-службе кіраўніка дзяржавы.

Сярод удастоеных высокай узнагароды – хатняя гаспадыня з аграгарадка Ясень Асіповіцкага раёна Вольга Снігір.

Рэдакцыя раённай газеты «Ударны фронт» запусціла цалкам абноўлены партал ШклоўІнфа на ранейшым адрасе shklovinfo.by. Зараз гэта не толькі навінавы мультымедыйны сайт, але і шматфункцыянальны Інтэрнэт-рэсурс, расказаў карэспандэнту сайта галоўны рэдактар выдання Павал Савельеў.

Палужскі вучэбна-педагагічны комплекс дзіцячы сад – сярэдняя школа (Краснапольскі раён) стаў пераможцам рэспубліканскага конкурсу школьных бізнес-ідэй. Аб гэтым паведамляецца на сайце Міністэрства эканомікі.

Магілёўскі раённы Савет дэпутатаў зацвердзіў Палажэнне аб гімне Магілёўскага раёна. Адпаведнае рашэнне райсавета апублікавана на Нацыянальным прававым інтэрнэт-партале.

Найлепшай «гаспадыняй» Магілёўскай вобласці стала кіраўская прыгажуня Лізавета Шарстабаева – такія вынікі агляду-конкурсу «Маладая Гаспадыня-2017», які прайшоў у Кіраўску напярэдадні Дня работнікаў сельскай гаспадаркі і перапрацоўчай прамысловасці. Ініцыятарам і арганізатарам мерапрыемства выступіў абласны камітэт Беларускага прафсаюза работнікаў АПК.

Больш Вr14 млн. асвоена пры будаўніцтве маставога перахода праз раку Сож у Слаўгарадскім раёне, паведаміў начальнік аддзела тэхнічнага нагляду і падрыхтоўкі вытворчасці РУП «Магілёўаўтадар» Павел Скрабуноў.

Напярэдадні Дня работнікаў сельскай гаспадаркі і перапрацоўчай прамысловасці на Магілёўшчыне пройдзе II абласны агляд-конкурс «Маладая гаспадыня-2017». Пра гэта карэспандэнту сайта паведамілі ў рэгіянальным камітэце Беларускага прафсаюза работнікаў АПК.

За мінулыя суткі ў Магілёўскай вобласці адбылося два пажары, адзін з іх прывёў да траўмавання, як паведаміла карэспандэнту сайта старшы інспектар Цэнтра бяспекі жыццядзейнасці і ўзаемадзеяння з грамадскасцю абласнога ўпраўлення МНС Вольга Нехарошых.

У Беларусі створаны водна-балотны заказнік «Слаўгарадскі». Адпаведнае рашэнне змешчана ў пастанове Савета Міністраў нумар 825 ад 4 лістапада 2017 года, апублікаванай на Нацыянальным прававым партале.