Аб утварэнні на тэрыторыі вобласці участковых камісій па выбарах Прэзідэнта Рэспублікі Беларусь

Усімі раённымі выканаўчымі камітэтамі і мясцовымі адміністрацыямі вобласці прыняты рашэнні аб утварэнні участковых камісій на адпаведных тэрыторыях. З рашэннямі можна азнаёміцца на інтэрнэт-сайтах раённых выканаўчых камітэтаў і адміністрацый раёнаў у гарадах Бабруйску і Магілёве.

ГРАФІК РАБОТЫ ЎЧАСТКОВЫХ КАМІСІЙ ПА ВЫБАРАХ ПРЭЗІДЭНТА РЭСПУБЛІКІ БЕЛАРУСЬ

У перыяд з 24 ліпеня па 3 жніўня 2020 г. уключна ўстаноўлены наступны графік працы:

у буднія дні - з 17 да 19 гадзін

для ўчастковых камісій, размешчаных у сельскай мясцовасці, - з 15 да 17 гадзін

у субботу - з 12 да 14 гадзін

нядзеля - выхадны.

У перыяд датэрміновага галасавання і ў дзень выбараў рэжым работы ўчастковых камісій вызначаецца з улікам часу галасавання, ўстаноўленага Выбарчым кодэксам (з 10 да 14 гадзін і з 16 да 19 гадзін; з 8 да 20 гадзін).

У Магілёўскай вобласці сфарміраваны склад 731 участковай камісіі па выбарах Прэзідэнта Рэспублікі Беларусь, у іх будзе працаваць 8110 чалавек. Больш за 77% ад агульнай колькасці членаў камісій (6297 чалавек) складаюць жанчыны, паведамілі ў Магілёўскай абласной камісіі.

Найбольшая колькасць сябраў участковых камісіяў – гэта прадстаўнікі ад грамадскіх аб’яднанняў. Яны складаюць 50,1% ад агульнай колькасці членаў участковых камісій (або 4063 чалавекі). Ад Федэрацыі прафсаюзаў Беларусі ў склад участковых камісій уключана 13,7% (або 1109 чалавек), РГА «Белая Русь» – 7,2% (або 584 чалавекі), Беларускага рэспубліканскага саюза моладзі – 6,9% (або 557 чалавек), Беларускага саюза жанчын – 5,7% (або 459 чалавек), Беларускага грамадскага аб’яднання ветэранаў – 5,4% (або 440 чалавек). Сярод палітычных партый лідзіруе Рэспубліканская партыя працы і справядлівасці – 0,5% (або 44 чалавекі) і Камуністычная партыя Беларусі – 0,3% (або 28 чалавек).

Таксама ў склад участковых камісій 1242 чалавекі дэлегаваныя працоўнымі калектывамі (15,3%), 2733 (33,7%) – грамадзянамі шляхам падачы заяў.

У Магілёўскай вобласці ўтвораны 731 участак для галасавання па выбарах Прэзідэнта Рэспублікі Беларусь, у тым ліку 34 - у арганізацыях аховы здароўя, якія аказваюць медыцынскую дапамогу ў стацыянарных умовах.