У рамках урадавай праграмы супрацоўніцтва Даніі і Беларусі Бялынічы наведалі прадстаўнікі дацкай фірмы “COWI” Еспер Каруп Педэрсэн і Аляксандр Русянкоў.

Па словах намесніка старшыні райвыканкама па будаўніцтве Андрэя Ерашэнкі, госці пазнаёміліся з галоўнымі накірункамі дзейнасці БУКП “Жылкамгас” і, у прыватнасці, паназіралі за работай кацельняў дома-інтэрната для састарэлых і інвалідаў і прафесійнага ліцэя №17, якія выкарыстоўваюць мясцовыя віды паліва.

Падчас візіту былі абмеркаваны магчымасці рэалізацыі сумеснага праекта па энергазберажэнні. Да першага мая бягучага года датчане павінны распрацаваць рабочы план, згодна якога праект і будзе ажыццяўляцца.

«Зара над Друццю»