Сто скалалазаў з Беларусі, Расіі і Літвы з'ехаліся ў СК «Тарпеда» на пяты калядны фэст. Арганізатары спаборніцтваў падрыхтавалі для спартсменаў 26 новых трас, але стромкія сцены з зачэпкамі скарыліся самым лепшым.

Дарэчы, на фэсце паспрабавалі зрабіць так, каб ніхто з удзельнікаў не сумаваў. “На адных этапах неабходна мець добрую раўнавагу, на іншых – сілу, спрытнасць”, - падкрэсліў праекціроўшчык трас Павел Мельнікаў.

Трэба адзначыць, што многія прыязжаюць сюды не толькі ўдасканаліць майстэрства, але і пазнаёміцца з іншымі спартсменамі. “Атрымліваеш не толькі адрэналін, але і насычваешся ўражаннямі, - расказала ўдзельніца спаборніцтваў Марыя Самсонава. – Але больш за ўсе падабаецца атмасфера”.

Па рэгламенце мерапрыемства болдэры павінны прайсці маршруты за 2,5 гадзіны. “Лепшыя па выніках першай часткі фэсту трапляюць у фінал, - сказаў галоўны суддзя спаборніцтваў Дзяніс Самсонаў. - Гэтым шасці чалавекам прапануюцца чатыры трасы, на кожную з якіх адводзіцца чатыры хвіліны”. Адзін з прынцыповых момантаў – апошняя зачэпка трасы. Яна павінна быць зафіксавана дзвюма рукамі на тры секунды.

Крытычных момантаў у вызначэнні пераможцаў было шмат. Часам усё залежыла ад міліметраў. “Для барацьбы за прызавыя месцы ў ідэале трэба мець тактыку, тэхніку, рост, - паведаміла ўдзельніца фэсту Марыя Вернікоўская. – Ёсць такія трасы, на якіх неабходна толькі тэхніка, а ўсё астатняе - не мае значэння, і наадварот”.

Між іншым, Марыя Вернікоўская з Мар’інай Горкі была з асноўных фаварытаў спаборніцтва ў сваёй групе. Аднак 11-гадовая дзяўчына фінішавала толькі трэцяй.

Увогуле на фестывалі вызначыліся прадстаўнікі розных школ. У групе малодшых перамаглі Дыяна Баева са Шклова, Мікіта Лагуноў і Кірыл Пісараў з Гомеля. Вызначыліся таксама і літоўцы: Сімона Сырвідас і Юлія Каралёвас. А вось галоўнымі пераможцамі сталі Юрый Косцін з Санкт-Пецярбурга і Вольга Рак з Мар’інай Горкі.

Па матэрыяле tv2.by