З узнагародамі і каштоўнымі прызамі вярнулася каманда ДУА «Ходасаўская сярэдняя школа» Мсціслаўскага раёна з дзесятай Міжнароднай інтэрнэт-алімпіяды «Эрудыты планеты-2012». Прыемна, што навучэнцы Магілёўскай вобласці з'яўляліся адзінымі прадстаўнікамі Беларусі на прэстыжных спаборніцтвах.

Права змагацца за перамогу вучні з Ходас заваявалі ў трох папярэдніх этапах, якія праводзіліся ў кастрычніку-снежні 2011 года. Яны паказалі добрыя веды па астраноміі, эканоміцы, фізіцы, гісторыі, матэматыцы, мастацтве, спорце, інфарматыцы, юрыспрудэнцыі і выйшлі ў фінал. Разам з мсціслаўскай дружынай за тытул пераможцы спрачаліся 98 каманд з Расіі і замежжа.

На працягу трох дзён, праведзеных ў Маскве, рабяты ўдзельнічалі ў розных спаборніцтвах і турнірах, а таксама ездзілі на экскурсіі. Па выніках алімпіяды нашы «Дзеці новага пакалення» ўвайшлі ў лік 10-ці лепшых каманд.

Па матэрыяле раённай газеты «Святло Кастрычніка»