Фестываль польскага тэатра лялек і анімацыйнага кіно для дарослых “Лялька таксама чалавек” пройдзе ў Магілёве 12 ліпеня. На сцэне абласнога тэатра лялек будуць прадстаўлены філасофскія квазі-лекцыі прафесара Лешкі Каласоўскага “Мажлівасці жыцця”. Спектакль ілюстраваны анімацыяй скульптур, прадмовай і музычным каментарыем Марка Жураўскага.

Тэатральнае дзеянне складаецца з пяці гісторый.

1. “Руф або дыялог любові ды хлеба”

Мацей Дужынскі са скульптурамі Эвальда Корнка (бронза)

Мараль: “смех наш часта бывае бяздумны, незадавальненне – фальшывае, а пагарда – яхідная і дурная, калі яна скіраваная на кагосці толькі таму, што ён гатовы аддзячыць другому за хлеб, якім наталіў голад, а падзякай з'яўляецца любоў”.

2. “Сара або канфлікт агульнага і індывідуальнага ў маральнасці”

Ганна Парусіла Дужыньска са скульптурамі Яцка Мюлднэра Нецкоўскага (граніт)

Мараль: “калі закон аказваецца сапраўды не да вытрымання і вельмі гвалціць нашу сутнасць, не будзе віной яго не прытрымлівацца, а прытрымлівацца – заслугай”.

3. “Раав або праўдзівая і прытворная самотнасць”

Мацей Дужыньскі са скульптурамі Марціна Жонсы (дрэва)

Мараль: “Сітуацыя Раав – каб захаваць жыццё, не хопіць займацца прастытуцыяй у фізічным сэнсе”.

4. “Іяіль або бездарожжа геройства”

Ганна Парусіна Дужыньска са скульптурамі Аляксандра Кубэрскага (кераміка)

Мараль: “няма жыццёвай філасофіі, якую чалавек разумны не мог бы вытлумачыць пераканальна”.

5. “Валаам або праблема аб'ектыўнай віны”

Мацей Дужыньскі са скульптурамі Гжэгажа Дурліка (дрэва)

Мараль: “ненатуральна для здаровага розуму выкарыстоўваць здаровы розум для сваркі з розумам абсалютным”.

Па матэрыяле сайта teatrkukol.by