Дырэктар Магілёўскага абласнога метадычнага цэнтра народнай творчасці і культурна-асветнай работы Алег Хмялькоў прыняў удзел у ІІ Міжнароднай навуковай канферэнцыі “Культура ўстойлівага развіцця: глабальныя і рэгіянальныя аспекты”, якая адбылася ў Баку.

Форум прайшоў з удзелам навукоўцаў, кіраўнікоў устаноў культуры і адукацыі з Азербайджана, Расіі, Малдовы, Украіны, Кыргыстана, Латвіі, Беларусі.

Прысутныя абмеркавалі глабальныя і рэгіянальныя аспекты культуры ўстойлівага развіцця, абмяняліся вопытам у гэтай галіне, наладзілі кантакты для далейшага супрацоўніцтва.

Вынікам навуковай канферэнцыі стала падпісанне пагаднення аб культурным супрацоўніцтве паміж Магілёўскім абласным метадычным цэнтрам народнай творчасці і культурна-асветнай работы і навукова-метадычным Цэнтрам па культуразнаўству Міністэрства культуры і турызму Азербайджанскай рэспублікі. У рамках гэтага пагаднення ўстановы будуць абменьвацца інфармацыйнымі і метадычнымі матэрыяламі, арганізоўваць анлайн-нарады, ладзіць канцэрты творчых калектываў, ажыццяўляць сумесныя навукова-даследчыя работы і творчыя праекты, праводзіць і ўдзельнічаць у семінарах, майстар-класах, навукова-практычных канферэнцыях і іншых культурных мерапрыемствах для абмену вопытам, работы па пытаннях захавання і рэтрансляцыі нацыянальнай культуры.

По материалу «Радио Могилев»