У суботу 10 жніўня ў 18.00 на бабруйскім стадыёне " Спартак" у рамках 20-га тура "Беларусбанк" – чэмпіянату Рэспублікі Беларусь па футболе сезона 2013 года, ФК "Белшына" сустрэнецца з жодзінскім "Тарпеда-БЕЛАЗ".

"Тарпеда-БЕЛАЗ" (Жодзіна) заснавана ў 1961 годзе. У вышэйшай лізе — з чэмпіянату 1992 г. (з выняткам чэмпіянатаў 1994-2001 гг.). Найвысокае дасягненне - 4-е месца ў чэмпіянатах 2004, 2005. 2007. Фіналіст Кубка Беларусі 2010 г. Каманда выступала пад назвамі БЕЛАЗ (1992), “Тарпеда” (2002-10).

У афіцыйных матчах "Белшына" і "Тарпеда-БЕЛАЗ" сустракаліся 19 разоў. Бабруйчане святкавалі перамогу 6 разоў, жодзінцы 6 разоў, 7 гульняў завяршыліся ўнічыю. Суадносіны забітых і прапушчаных мячоў 27:20 у карысць аўтазаводцаў.

Гульня дублюючых складаў адбудзецца ў нядзелю на гарадскім стадыёне "Спартак" у 17.00.

bobruisk.gov.by