Сезон збору журавін распачаўся ў Магілеўскай вобласці. Рыначны кошт аднаго літра ягад – ад Br20 да Br30 тыс. Такія цэннікі дзейнічаюць на Цэнтральным рынку Магілева. Ахоўнікі прыроднага багацця ўвесь час папярэджваюць: збіраць журавіны пры дапамозе механічных прыстасаванняў (шуфлікаў і грэбняў) забараняецца.

Журавіны не параўнаеш з іншымі ягадамі, кажуць знаўцы. Ды і нашы продкі невыпадкова лічылі журавіны лекамі ад усіх хвароб. Гэтыя надзвычай карысныя ягады абавязкова трэба ўжываць жыхарам прамысловых раенаў (для магіляўчан гэта асабліва актуальна). Навукоўцамі даўно даказана, што журавіны дапамагаюць выводзіць шкодныя рэчывы з арганізма чалавека, значна зніжаюць рызыку развіцця анкалагічных захворванняў. Невыпадкова ягады рэкамендуецца ўжываць цяжарным жанчынам, пры варыкозным пашырэнні вен, пры павышаным ціску і проста як полівітамінны сродак.

«Радыё Магілёў»