Народная студыя вакалу «Дружбакі і сяброўкі», якая створана на базе Магілёўскага эканамічнага прафесійна-тэхнічнага каледжа, адзначыла 15 гадоў. Сёння гэта адна з лепшых кузняў юных талентаў у Магілёве. Яе выхаванцы неаднаразова прызнаваліся пераможцамі і прызёрамі абласных, рэспубліканскіх і міжнародных конкурсаў. Менавіта яна стала стартавай пляцоўкай для заслужанай артысткі Беларусі Алены Ланской і пераможцы конкурсу эстрадных выканаўцаў «Сярэбраны грамафон» Івана Буслая. Разам з іншымі выхаванцамі студыі, якія прыехалі на свята, яны прынялі ўдзел у канцэрце на сцэне Палаца культуры вобласці.

Падчас святкавання танцавальны гурт «Дэнсхаўз», які ўваходзіць у склад студыі вакалу, быў прызнаны народным, а сама студыя ў чарговы раз пацвердзіла гэта званне. Віноўнікам урачыстасці былі ўручаны Ганаровыя граматы і падзякі ад аблвыканкама, а таксама неабходныя для творчай працы падарункі ад спонсараў.

“Звязда”