Міністэрствам культуры Рэспублікі Беларусь абвешчаны конкурс на стварэнне куратарскай канцэпцыі беларускага павільёна на 56-й Венецыянскай біенале сучаснага мастацтва. Удзельнікамі могуць быць мастацтвазнаўцы, мастакі і іншыя асобы, якія маюць вопыт арганізацыі і правядзення буйных культурных праектаў у галіне выставачнай дзейнасці. Тэрмін прыёма канцэпцый – да 24 лістапада 2014 г. уключна.

Канцэпцыя павінна ўлічваць дэвіз і тэмы 56-й Венецыянскай біенале, адлюстраванне новых арыгінальных ідэй сучаснага мастацтва ў Беларусі, а таксама распаўсюджванне інфармацыі аб сучасным беларускім мастацтве за мяжой. Акрамя таго, у працэсе арганізацыі выстаўкі павінны выкарыстоўвацца новае нестандартнае бачанне канцэпцыі і сучасныя мультымедыя-тэхналогіі.

Для пераможцаў конкурсу ўстанаўліваюцца наступныя грашовыя прэміі: першае месца – Br10 млн., другое – Br7 млн., трэцяе – Br5 млн. Пераможца конкурсу, які атрымае першаее месца, аўтаматычна становіцца куратарам беларускага павільёна на Венецыянскай біенале.

Праекты канцэпцый з пазнакай “Конкурс на стварэнне куратарскай канцэпцыі беларускага павільёна на 56-ай Венецыянскай біенале” накіроўваюцца ў Міністэрства культуры Рэспублікі Беларусь па адрасе: 220004, г.Мінск, пр-т Пераможцаў, 11.

ПАЛАЖЭННЕ