Маштабнае мерапрыемства, прымеркаванае да Дня інвалідаў, пройдзе ў Бялынічах 3 снежня для тых, хто наведвае аддзяленні дзённага знаходжання для інвалідаў тэрытарыяльных цэнтраў сацыяльнага абслугоўвання насельніцтва, і дзяцей-інвалідаў – выхаванцаў цэнтраў карэкцыйна-развіваючага навучання і рэабілітацыі Бялыніцкага і Круглянскага раёнаў.

У мінулым годзе такая сустрэча адбылася ў Круглым, а сёлета гасцей з суседняга раёна прымаюць Бялынічы. Для ўдзельнікаў мерапрыемства, інвалідаў І і ІІ груп дапенсійнага ўзросту і дзяцей-інвалідаў, будуць арганізаваны: экскурсія ў раённы мастацкі музей імя В.К. Бялыніцкага-Бірулі, святочны канцэрт «Міласэрнасць» у раённым Цэнтры культуры, «салодкі» стол і дыскатэка.

Як адзначыла дырэктар Бялыніцкага ЦКРНіР Таццяна Цецерукова, такія сустрэчы праводзяцца з мэтай прыцягнення ўвагі грамадскасці да людзей з абмежаванымі магчымасцямі, дзеля фарміравання прыязнага стаўлення да гэтай катэгорыі грамадзян і развіцця зносін паміж самімі людзьмі, якія аказаліся ў баку ад паўнавартаснага жыцця.

“Зара над Друццю”