Новы навучальны год пачаўся сёння для больш чым 116 тысяч вучняў у Магілёўскай вобласці. Амаль 10 тысяч з іх – першакласнікі.
У Магілёве 1 верасня на беразе ракі Дубравенка прайшло свята “Школа, віват!”, прысвечанае Дню ведаў.

У праграме свята былі канцэрт дзіцячых творчых калектываў, конкурсы і гульні, выстава-кірмаш дзіцячай творчасці. У гэты ж дзень таксама адбылася прэзентацыя дзейнасці грамадскіх арганізацый “Беларуская рэспубліканская піянерская агранізацыя”, “Беларускі рэспубліканскі саюз моладзі”, устаноў пазашкольнай адукацыі і выхавання, спартыўных школ, кінатэатраў, Магілёўскага абласнога драматычнага тэатра, музеяў Магілёва.
Падчас свята была арганізавана работа дэманстрацыйных пляцовак Міністэрства па надзвычайных сітуацыях, ДАІ, УУС Магілёўскага аблвыканкама.