Ленінская раённая арганізацыя Бабруйска РГА «Белая Русь» і Тальяцінскае аддзяленне Усерасійскага грамадскага руху «Валанцёры Перамогі» арганізавалі інтэлектуальнае спаборніцтва «Космас побач», прысвечанае Дню касманаўтыкі. У праграме было чатыры раўнды з заданнямі, відэаэкскурсіяй па Зорным мястэчку, пытаннямі ад касманаўтаў. Інтэлектуальны марафон працягваўся дзве гадзіны.
Спаборнічалі каманды з Тальяці і Жыгулеўска з анлайн-удзельнікамі з Бабруйска. Усяго адначасова ў гульні прынялі ўдзел 18 каманд з 15 універсітэтаў і каледжаў дзвюх краін.
Цэнтральнай пляцоўкай у Тальяці стаў машынабудаўнічы каледж. У нашай краіне па канферэнц-сувязі падключыліся некалькі бабруйскіх каледжаў: аўтатранспартны (філіял БНТУ), а таксама тэхналагічны, гандлёва-эканамічны і медыцынскі.
Лідэр Ленінскай раённай арганізацыі Бабруйска РГА «Белая Русь», намеснік старшыні раённага аддзялення Беларускай партыі «Белая Русь» Ірына Русаковіч адзначыла:
- Каманды паспрабавалі сябе ў розных інтэлектуальных спаборніцтвах, якія дазволілі прадэманстраваць высокую падрыхтоўку і крэатыўнасць. Удзел у такіх мерапрыемствах не толькі развівае кругагляд і інтэлектуальныя здольнасці, але і садзейнічае ўмацаванню сяброўскіх сувязей паміж гарадамі і краінамі.
Кіраўнік Тальяцінскага аддзялення ВОД «Валанцёры Перамогі» Сяргей Табуноў таксама падзяліўся ўражаннямі:
- Гэта быў новы вопыт, незвычайны, але вельмі натхняльны на далейшую працу. У гульнях у нас заўжды ўдзельнічаюць каманды ад усіх каледжаў горада, і заўсёды гэта вельмі масава і цікава. І мы вырашылі пашырыць межы. На гульню запрасілі каманду з суседняга горада Жыгулеўска і анлайн да гульні падключыліся чатыры каледжы з Бабруйска. Сярод міжнародных каманд, як кажуць, перамагло сяброўства.
Па словах старшыні пярвічнай арганізацыі Бабруйскага дзяржаўнага тэхналагічнага каледжа РГА «Белая Русь» Наталлі Берднік, гульня зацікавіла рабят, ім вельмі спадабаліся фармат і пытанні. Усе хацелі б і далей працаваць з горадам-пабрацімам Тальяці, расійскімі каледжамі і, вядома ж, «Валанцёрамі Перамогі». У навучальнай установе ўжо разважаюць не толькі пра анлайн-мерапрыемствы, але і пра магчымы абмен дэлегацыямі.
Пры выкарыстанні матэрыялаў актыўная гіперспасылка на mogilev-region.gov.by абавязковая
10.05.2024 - 10:17
Абласны тур нацыянальнага фестывалю-конкурсу патрыятычнай песні пройдзе сёння ў Магілёве
06.05.2024 - 12:11
Рэспубліканскі конкурс студэнцкіх сем'яў стартуе ў Магілёве 16 мая
06.05.2024 - 09:57