Больш за 140 спартсменаў з Беларусі, Расіі і Казахстана бяруць удзел у першынстве свету па летнім паліатлоне ў закрытых памяшканнях. Спартыўнае мерапрыемства праходзіць з 11 па 14 красавіка ў Магілёве, паведамілі ў Беларуска-Расійскім універсітэце.
Паводле слоў інструктара па фізічнай культуры спартыўнага клуба БРУ Марыі Сяржук, адна з галоўных падзей у свеце паліатлона пройдзе на некалькіх спартыўных пляцоўках — ва ўніверсітэце, спарткомплексе «Алімпіец» і Доме спорту. Спаборніцтвы адбудуцца па чатырох дысцыплінах: стральба з пнеўматычнай вінтоўкі, спрынт, плаванне і бег на цягавітасць.
Урачыстае адкрыццё мерапрыемства запланавана на 9.30 12 красавіка ў «Алімпійцы». У гэты ж дзень будуць арганізаваны спаборніцтвы па бегу на 60 м і плаванні. У праграму 13 красавіка ўключана стральба, а ў апошні дзень першынства пройдуць бег на цягавітасць, урачыстае закрыццё і ўзнагароджанне пераможцаў.
Арганізатарамі чэмпіянату (першынства) па паліатлоне выступілі Міжнародная асацыяцыя паліатлона і Беларуска-Расійскі ўніверсітэт.
Пры выкарыстанні матэрыялаў актыўная гіперспасылка на mogilev-region.gov.by абавязковая
18.05.2024 - 17:41
17.05.2024 - 09:45
Магілёўскі «Барысфен» заваяваў бронзу мужчынскага чэмпіянату Беларусі па баскетболе
16.05.2024 - 11:57
06.05.2024 - 11:31
У Кіраўску прайшоў чэмпіянат Магілёўскай вобласці па пляжным футболе