моладзь

STEM-клас адкрыецца ў 2019 годзе ў гімназіі №3 Бабруйска. Пра гэта паведаміў дырэктар Асацыяцыі па садзейнічанні развіццю адукацыйных ініцыятыў у галіне дакладных навук і высокіх тэхналогій «Адукацыя для будучыні» Аляксандр Хоміч.

У інтэрнатах Беларуска-Расійскага ўніверсітэта выбралі пакоі, якія былі маляўніча ўпрыгожаны да зімовых святаў. Конкурс на самае лепшае навагодняе афармленне праходзіў па ініцыятыве жыллёва-бытавой камісіі пры прафкаме студэнтаў установы адукацыі.

Юныя таленты Магілёва прымуць удзел у Каляднай сустрэчы «Мары збываюцца» ў Рэспубліканскім доме моладзі ў Мінску 2 студзеня, паведаміў каардынатар валанцёрскага руху БРСМ «Добрае сэрца» Раман Мамчанка.

У Палацы Пацёмкіна ў Крычаве прайшоў «Пацёмкінскі баль» для маладых спецыялістаў Магілёўскай вобласці, якія ў 2018 годзе атрымалі першае працоўнае месца. На свята прыехалі госці з усіх раёнаў Прыдняпроўскага краю. Іх ва ўрачыстай абстаноўцы сустрэлі Кацярына II і князь Рыгор Пацёмкін.

Актыўная моладзь Кубані наведвае Магілёўшчыну. Сустрэча дэлегацыі са старшынёй абласнога Савета дэпутатаў Дзмітрыем Харытончыкам адбылася сёння ў аблвыканкаме. Далей хлопцаў і дзяўчат чакае экскурсія па гістарычных мясцінах горада на Дняпры і Магілёўскім дзяржаўным універсітэце харчавання, дзе пройдзе круглы стол з удзелам студэнтаў ВНУ.

Абласны адкрыты дыялог на тэму «Станаўленне беларускай дзяржаўнасці», прысвечаны 100-годдзю з дня ўтварэння БССР, адбудзецца 19 снежня ў Магілёўскай абласной бібліятэцы імя У. І. Леніна, паведамілі карэспандэнту сайта ў абкаме ГА «Беларускі рэспубліканскі саюз моладзі».

Першы званок у Магілёўскай вобласці празвініць для 11 тыс. першакласнікаў. Пра гэта карэспандэнту сайта паведамілі ў галоўным упраўленні па адукацыі аблвыканкама.

«Гэта прыкладна столькі ж хлопчыкаў і дзяўчынак, як і ў мінулым годзе. Усяго ж у рэгіёне сядуць за парты 110 тыс. навучэнцаў. У дзясяты клас пойдзе 6 тыс. чалавек», – расказаліва ўпраўленні.

У Магілёўскай вобласці зацверджаны план мерапрыемстваў па святкаванні 100-годдзя ВЛКСМ. Ён быў прыняты на пасяджэнні арганізацыйнага камітэта па падрыхтоўцы да юбілейнай падзеі, паведамілі карэспандэнту сайта ў абкаме ГА «БРСМ».

Уступная кампанія на ўзровень сярэдняй спецыяльнай адукацыі завяршаецца ў Беларусі 17 жніўня, паведаміў начальнік галоўнага ўпраўлення прафесійнай адукацыі Міністэрства адукацыі Сяргей Каспяровіч.

У ВНУ Магілёва падвялі вынікі ўступнай кампаніі на бюджэтныя месцы.

У Беларуска-Расійскі ўніверсітэт на дзённае навучанне дакументы падалі 354 абітурыенты. Найбольш запатрабаванай аказалася спецыяльнасць «Транспартная лагістыка» - 3,7 чалавека на месца. На завочную форму навучання дакументы падалі 65 абітурыентаў. Самы вялікі конкурс быў на спецыяльнасць «Прамысловае і грамадзянскае будаўніцтва» - 13,1 чалавека на месца.

Сярэднія спецыяльныя навучальныя ўстановы Беларусі сёння пачынаюць прыём дакументаў.

Прымаць дакументы на бюджэт у абітурыентаў, якія маюць агульную базавую адукацыю, будуць па 3 жніўня. На платныя месцы тэрмін падачы ўстаноўлены па 14 жніўня. Здаць уступныя іспыты яны змогуць 4-8 жніўня. Залічэнне на навучанне за кошт сродкаў бюджэту пройдзе па 10 жніўня, на платнай аснове - па 16 жніўня.

Беларускія ВНУ сёння пачынаюць прымаць дакументы ад абітурыентаў.

Прымаць дакументы на бюджэтныя месцы і для навучання на платнай аснове ў абітурыентаў будуць па 17 ліпеня.

З 15 лістапада па 5 снежня будзе ажыццяўляцца прыём дакументаў ад тых, хто паступае на завочную форму атрымання адукацыі ва ўстановы вышэйшай адукацыі сельскагаспадарчага профілю.

Вучні 8 класа сярэдняй школы №7 горада на Дняпры Лізавета Ярмоленка, Анастасія Новікава і Лізавета Пайтра сталі пераможцамі абласнога конкурсу “Магілёў: ад старажытнасці да сучаснасці”, прысвечанага 750-годдзю сталіцы Прыдняпроўскага краю. Пра гэта карэспандэнту сайта паведаміла загадчык аддзела краязнаўства і пошукавай работы ДУДА «Абласны цэнтр творчасці» Святлана Барысенка.