Анатоль Ісачанка: ключавая мэта на 2024 год - мабілізацыя наяўных рэсурсаў для забеспячэння ўстойлівасці эканомікі і росту дабрабыту насельніцтва

Пасяджэнне па пытанні сацыяльна-эканамічнага развіцця Магілёўскай вобласці і праекту абласнога бюджэту на 2024 год правёў сёння старшыня Магілёўскага аблвыканкама Анатоль Ісачанка. Удзел у ім таксама прынялі памочнік Прэзідэнта - інспектар па Магілёўскай вобласці Леанід Мартынюк і старшыня абласнога Савета дэпутатаў Ірына Раінчык, члены выканкама, дэпутаты Палаты прадстаўнікоў і члены Савета Рэспублікі Нацыянальнага Сходу Рэспублікі Беларусь, старшыні гаррайвыканкамаў і гаррайсаветаў дэпутатаў, кіраўнікі ад прадстаўнікі кантралюючых і сілавых ведамстваў, кіраўнікі структурных падраздзяленняў аблвыканкама, структур рэспубліканскіх органаў кіравання, кіраўнікі прадпрыемстваў і арганізацый.

Прынятыя меры па пераарыентацыі і падтрымцы экспарту, як адзначыў кіраўнік рэгіёну, дазволілі захаваць станоўчае сальда знешняга гандлю таварамі і паслугамі: «У вобласці выконваецца асноўная мэтавая задача на бягучы год - павышэнне ўзроўню дабрабыту насельніцтва на аснове збалансаванага эканамічнага росту. Забяспечваецца вышэй запланаванага рост як намінальнай заработнай платы - 119%, так і рэальнай - 119,3%. Разам з тым ёсць шэраг пытанняў, якія трэба вырашыць у наступным годзе. У адпаведнасці з прынятым Указам кіраўніка дзяржавы ад 2 кастрычніка 2023 года №307 у якасці важнейшых параметраў прагнозу сацыяльна-эканамічнага развіцця Рэспублікі Беларусь на 2024 год вызначаны: валавы ўнутраны прадукт краіны з тэмпам росту 103,8%, інвестыцыі ў асноўны капітал - з тэмпам росту 103,9%, экспарт тавараў і паслуг - 107,6%, рэальныя наяўныя даходы насельніцтва - 103,5%. Перад вобласцю стаяць яшчэ больш напружаныя задачы: тэмп росту ВРП - 103,9%, тэмп росту намінальнай заработнай платы - 112,2%, тэмп росту інвестыцый - 103,9%, сукупныя паступленні даходаў у бюджэт - 109,5%.

Ключавая мэта на 2024 год - мабілізацыя наяўных рэсурсаў для забеспячэння ўстойлівасці эканомікі і росту дабрабыту насельніцтва. Для яе дасягнення прадугледжваецца вырашэнне наступных асноўных задач. Як я ўжо казаў вышэй - гэта павышэнне ўзроўню рэальна наяўных грашовых даходаў насельніцтва. Пры гэтым хачу адзначыць, што інфляцыя абмежавана на ўзроўні не больш як 6%. Гэта вельмі сур'ёзныя задачы, якія нам трэба будзе выконваць. Для гэтага неабходна забяспечыць адпаведную эканамічную аснову. З якой выцякае нарошчванне вытворчасці прадукцыі. І прынцыпова важна, каб выраблены тавар ішоў не на склады, а знаходзіў свайго спажыўца, у тым ліку на знешніх рынках. Неабходна не забываць аб пашырэнні ўнутранага попыту, перш за ўсё, за кошт рэалізацыі комплексу мер па імпартазамяшчэнні. Нязменнай застаецца задача па прыцягненню інвестыцый. Інвестыцыі - гэта аснова развіцця. Пры гэтым персанальнай задачай старшынь райвыканкамаў з'яўляецца рэалізацыя даручэння кіраўніка дзяржавы «Адзін раён - адзін праект», аб чым я нагадваю на кожным пасяджэнні аблвыканкама. У студзені мы будзем падводзіць вынікі за 2023 год, дадзім адзнаку, але ўжо сёння неабходна зацвердзіць параметры развіцця на наступны год», - падкрэсліў Анатоль Ісачанка.

Аб тым, якія паказчыкі даведзены Урадам Магілёўскай вобласці на 2024 год і як яны спраецыраваны на райвыканкамы і арганізацыі расказаў намеснік старшыні аблвыканкама Руслан Страхар.

«Вельмі важна адзначыць, што Магілёўская вобласць, як і ўся краіна ў цэлым, вось ужо другі год знаходзіцца ва ўмовах беспрэцэдэнтных санкцый. І ўжо трэба канстатаваць, што нам удалося пераадолець першы, самы важны этап - адаптацыі да ўмоў, аднаўлення, - расказаў ён у час размовы з прадстаўнікамі СМІ. - На наступны год ставіцца задача ўстойлівага росту эканомікі як Рэспублікі Беларусь, так і Магілёўскай вобласці. У прыярытэце, як і раней, застаецца павышэнне ўзроўню дабрабыту грамадзян. Наступны год па вобласці таксама плануецца прырасці па намінальнай налічанай заработнай плаце з тэмпам росту - 112,2%. Гэта крыху вышэй за заданне, устаноўленае па краіне, аднак аб'ектыўна нам неабходна. А ад гэтай задачы мы выбудоўваем ужо і вытворчыя паказчыкі ў розных галінах эканомікі. І вядома, які робіцца ўпор на інвестыцыі - у наступным годзе плануецца прыцягнуць інвестыцыі з тэмпам 103,9% у супастаўнай адзнацы. Акрамя гэтага, мы ставім задачы па кожнай галіны, кожнаму напрамку. І робім упор на павышэнне якасці эканомікі, на паляпшэнне фінансавага стану нашых прадпрыемстваў».

Бюджэт рэгіёну ў 2024 годзе захавае сацыяльную накіраванасць. Пра гэта расказаў начальнік галоўнага фінансавага ўпраўлення Магілёўскага аблвыканкама Юрый Ільюшчыц, які выступіў з дакладам па другім пытанні парадку дня:

«Кансалідаваны бюджэт Магілёўскай вобласці плануецца ў суме звыш Br4,27 млрд. На сацыяльную сферу будзе накіравана 67% ад гэтай сумы, з улікам Артыкула 94 Бюджэтнага кодэкса. Сярод асноўных напрамкаў, якія будуць фінансавацца адносна насельніцтва, - дахавы рамонт жылых дамоў, на гэтыя мэты дабавіцца больш як Br6 млн, таксама прадугледжаны рэсурсы на рамонт стыкаў сценавых панэляў. Комплексна будуць рабіцца прыдамавыя тэрыторыі, з улікам рамонту жыллёвага фонду, на які выдзяляецца каля Br92 млн. Усё гэта будзе ўвязана з улікам праездаў, дзіцячых гульнявых пляцовак, капітальнага рамонту жыллёвага фонду, каб поўнасцю ўладкаваць прыдамавую тэрыторыю.

З тэмпам росту 109% плануецца рост фонду заработнай платы па бюджэтным сектары. У рэальным выражэнні гэта будзе перавышаць інфляцыйныя працэсы на 2024 год. Акрамя таго, удвая павялічваецца фінансаванне на добраўпарадкаванне вуліц, будаўніцтва і рамонт мясцовых аўтамабільных дарог. Асноўныя напрамкі фінансавання, якія рэалізуюцца сёлета, захоўваюцца і ўзмацняюцца на наступны», - падсумаваў ён.

Юлія Таранава, фота Галіны Гаўрыловіч