- Збоку здаецца, што зімой лягчэй і спакайней, маўляў, прахалоджваемся. На справе ж даводзіцца не толькі балты з гайкамі пакруціць, але і сур'ёзна галаву паламаць, што менавіта няспраўна і як гэта паправіць. Але экспертна заяўляю: справімся!
У іншых кутках вобласці падобная сытуацыя.
Першы намеснік старшыні - начальнік упраўлення па сельскай гаспадарцы і харчаванні Глускага райвыканкама Юрый Дымша расказаў, што ва ўсіх гаспадарках раёна падрыхтоўка тэхнікі да веснавых палявых работ ідзе па графіку. Праведзена дэфектоўка трактароў, зняты вузлы і механізмы, якія патрабуюць замены або рамонту, і аддадзены на рамонтныя прадпрыемствы.
- Напрыклад, на ААТ «Зара Камуны» патрабуецца прывесці ў парадак каробку МТЗ-3022, а на ААТ «Аграфірма «Слаўгарадскі» зрабіць капітальны рамонт рухавіка, - удакладніў Юрый Аляксеевіч. - Вузлы знялі і падалі на рамонтныя прадпрыемствы. Цяпер вырашаем пытанні па фінансаванні рамонту - крэдытаванні, спадзяемся ўжо ў наступным месяцы выкупіць нашы вузлы і дэталі, адрамантаваныя ў планавым парадку.
Таксама сёння на сельгаспрадпрыемствах Глускага раёна ўласнымі сіламі рыхтуюць тэхніку для выхаду ў поле: праводзяць рамонты, якія не патрабуюць вялікіх затрат, - такарныя, зварачныя работы. Увогуле, рамантуюць з таго, што ёсць у гаспадарках.
Паводле слоў намесніка дырэктара па механізацыі ААТ «Світанак імя К. П. Арлоўскага» Кіраўскага раёна Міхаіла Агафонава, да вясенне-палявых работ пачалі рыхтавацца яшчэ з восені, нешта падрамантавалі, правялі дэфектоўку трактароў. А нядаўна закупілі запчасткі да збожжавых сеялак, часткова - да кукурузных, таксама да апырсквальнікаў. На днях будзе аб'яўлены тэндэр на набыццё запчастак да корбаўборачных камбайнаў.
Гаспадарку перадало ў рамонт на Кіраўскі райаграпрамтэхзаб трактар МТЗ-3522. А МТЗ-1221 і МТЗ-82 у «Світанку» рамантуюць уласнымі сіламі. Цяпер там чатыры адзінкі тэхнікі, у якіх трэба давесці да ладу розныя вузлы і механізмы: рухавік, счапленне, задні мост. Нягледзячы на халады, працы не спыняюцца.
Пры гэтым Міхаіл Агафонаў падкрэслівае:
- Але ўсё ж галоўнае на сёння набыць запчасткі. Калі ў нас будзе ўсё неабходнае, з рамонтам справімся хутка, арганізавана. Тым больш сіноптыкі абяцаюць пацяпленне, а значыць, працаваць будзе больш камфортна.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 16:38
За апошнія пяць гадоў у эканоміку Магілёўскага раёна прыцягнута два мільярды рублёў інвестыцый
22.04.2024 - 10:15
«Бабруйскаграмаш» правёў выпрабаванне навінкі - культыватара КМП-10
15.04.2024 - 16:22
Першыя ўраджаі таматаў збіраюць у Кіраўскім «Рассвете» (відэа)
15.04.2024 - 09:35