Дэпутаты Магілёўскага абласнога Савета зацвердзілі асноўныя паказчыкі прагнозу сацыяльна-эканамічнага развіцця і бюджэт рэгіёна на 2019 год. Праекты разглядаліся сёння на пасяджэнні сёмай сесіі аблсавета, перадае карэспандэнт сайта.
У прыватнасці, прагназуемы параметр унутранага рэгіянальнага прадукту павінен скласці 104,4%, запланаванае павелічэнне паказчыка прадукцыйнасці працы – 4,3% да канца года. Таксама мяркуецца, што аб’ём экспарту тавараў павысіцца на 5,7%, а паслуг – на 5%. Прагнозны аб’ём прамых замежных інвестыцый – $80 млн. Плануецца працаўладкаваць на зноў створаныя ў рэгіёне працоўныя месцы 4830 чалавек.
У аснову бюджэту рэгіёна пакладзены параметры прагнозу сацыяльна-эканамічнага развіцця на наступны год і ацэнка выканання бюджэту ў бягучым. Асноўнымі даходнымі крыніцамі застануцца падаходны падатак, падаткі на дабаўлены кошт, на ўласнасць і на прыбытак.
Аб’ём даходаў бюджэту вобласці на 2019 год прагназуецца ў суме Br1 млрд. 293 млн., расходаў – Br1 млрд. 282 млн. Праект бюджэту па расходах сфарміраваны з улікам захавання прыярытэту расходаў сацыяльнага характару. Асноўныя прыпадаюць на нацыянальную эканоміку – 11,2%, ахову здароўя – 11%, адукацыю – 8,1%.
У праект бюджэту рэгіёна ўключаны таксама выдаткі на фінансаванне зносу старых і пустуючых дамоў, падрыхтоўку вобласці да 75-годдзя вызвалення ад нямецка-фашысцкіх захопнікаў, замену і капітальны рамонт ліфтаў, арганізацыю і павышэнне эфектыўнасці цеплазабеспячэння, на набыццё сельскагаспадарчай тэхнікі, выплату лізінгавых плацяжоў.
Прапанаванае размеркаванне рэсурсаў бюджэту паспрыяе рэгіянальнаму развіццю, прадвызначаючы пры гэтым беражлівае і эканомнае выкарыстанне кожнага бюджэтнага рубля.
Пры выкарыстанні матэрыялаў актыўная гіперспасылка на mogilev-region.gov.by абавязковая
15.05.2024 - 14:38
12.05.2024 - 14:49
У Магілёве ўрачыстая цырымонія ўшаноўвання дзяржаўных сімвалаў прайшла на плошчы Славы
10.05.2024 - 14:32
12 мая ў Беларусі адсвяткуюць Дзень Дзяржаўнага флага, Дзяржаўнага герба і Дзяржаўнага гімна
09.05.2024 - 17:46
08.05.2024 - 13:06