RU BY EN 中文
Twitter Instagram
Герб Республики Беларусь
МАГІЛЁЎСКІ АБЛАСНЫ ВЫКАНАЎЧЫ КАМІТЭТ АФІЦЫЙНЫ ПАРТАЛ
Герб Могилевской области

Хварэць душой за справу і не даваць хварэць іншым - дэвіз маладых медыкаў Магілёўскай гарадской бальніцы

24.11.202309:35
10 урачоў і 15 работнікаў сярэдняга медыцынскага персаналу папоўнілі рады калектыву Магілёўскай гарадской бальніцы хуткай медыцынскай дапамогі.
 
– Хацелася б, каб у нашых маладых спецыялістаў гэты запіс у працоўнай кніжцы быў першым і апошнім. Каб яны замацаваліся тут, адсюль праз шмат гадоў пайшлі на заслужаны адпачынак. А мы ў сваю чаргу пастараемся зрабіць усё, каб стварыць для іх камфортныя ўмовы для працы, - падкрэсліў падчас прысвячэння маладых спецыялістаў у прафесію галоўдоктар лякарні Павел Арэхоўскі.

Упэўненасці ў выбранай прафесіі і паспяховага прафесійнага росту пажадала дзецям і загадчыца аддзела арганізацыйнай работы Магілёўскай абласной арганізацыі Беларускага прафсаюза работнікаў аховы здароўя Вераніка Хатамцова.
 
- Такая падзея, як прысвячэнне ў прафесію маладых спецыялістаў, мае важнае значэнне ў павышэнні прэстыжу прафесіі медыцынскага работніка. Хацелася б, каб выпускнікі медыцынскіх каледжаў і медуніверсітэтаў сталі вопытнымі і граматнымі спецыялістамі, хварэлі душой за справу і не давалі хварэць іншым, - адзначыла Вераніка Хатамцова.

Маладым спецыялістам пажаданне спадабалася, абяцалі, што яно стане іх дэвізам па жыцці. Ад прафсаюзнай арганізацыі хлопцы ў гэты дзень атрымалі не толькі традыцыйныя «пасведчанні маладога спецыяліста», але і падарункавыя сертыфікаты на 70 рублёў, кветкі. Плюс ад наймальніка, згодна з калдагаворам, – матэрыяльную дапамогу ў памеры дзвюх базавых велічынь на кожнага.

У Магілёўскай гарадской бальніцы згуртаваны і дружны калектыў: больш за 70 працэнтаў медработнікаў, аднойчы пераступіўшы парог гэтай установы аховы здароўя, тут і засталіся. І ніколькі не шкадуюць аб сваім выбары. У аддзяленні рэанімацыі, у хірургічным, радавым і ў аддзяленні неўралогіі, куды накіраваны маладыя спецыялісты, ім ёсць з каго браць прыклад, ёсць у каго вучыцца. Дарэчы, на мерапрыемстве ўшаноўвалі аднаго з настаўнікаў. Узнагароды ад Беларускага прафсаюза работнікаў аховы здароўя ўдастоена старшая медсястра эндаскапічнага аддзялення Алена Барысава.

 СБ

Пры выкарыстанні матэрыялаў актыўная гіперспасылка на mogilev-region.gov.by абавязковая