Абласная прафсаюзная ёлка збярэ 27 снежня ў Магілёве каля 560 дзяцей. Пра гэта паведамілі ў Магілёўскім абласным аб’яднанні прафсаюзаў.
Мерапрыемства пройдзе ў Палацы культуры вобласці і стане часткай рэспубліканскай дабрачыннай акцыі «Прафсаюзы – дзецям», якая праводзіцца ўжо на працягу 20 гадоў. Удзельнікі свята ўбачаць інтэрактыўнае навагодняе прадстаўленне «Чароўныя сны», а таксама атрымаюць салодкія падарункі. Дзеці паводзяць карагоды ля ёлкі, сустрэнуцца з Дзедам Марозам і Снягуркай, а таксама іншымі казачнымі персанажамі. Гледачоў чакаюць папулярныя музычныя хіты, вясёлыя гульні і навагодні настрой.
Акрамя абласной прафсаюзнай ёлкі, напярэдадні навагодніх і калядных святаў прафсаюзы вобласці праводзяць некалькі дзясяткаў мерапрыемстваў. У іх ліку дапамога падшэфным установам ва ўмацаванні матэрыяльна-тэхнічнай базы, закупцы для выхаванцаў прысмакаў і навагодніх падарункаў, арганізацыі паездак на навагоднія казкі і прадстаўленні.
Асаблівая ўвага з боку прафсаюзаў традыцыйна надаецца дзецям са шматдзетных і малазабяспечаных сем’яў, дзецям-інвалідам, выхаванцам сацыяльных прытулкаў і дзіцячых устаноў адукацыі інтэрнатнага тыпу, замацаваных за абласным аб’яднаннем прафсаюзаў і абласнымі арганізацыямі галіновых прафсаюзаў.
Пры выкарыстанні матэрыялаў актыўная гіперспасылка на mogilev-region.gov.by абавязковая
30.04.2024 - 11:50
Прамыя тэлефонныя лініі пройдуць 4 мая ў Магілёўскай вобласці
29.04.2024 - 16:05
На аднаго выпускніка да дзесяці заявак - як у БДУТ прайшло размеркаванне
29.04.2024 - 15:59
Адзіны знак «Дрэва жыцця» ўстановяць ва ўсіх абласцях Беларусі ў памяць аб ахвярах генацыду
29.04.2024 - 12:15
29.04.2024 - 10:41
Мінадукацыі скарэктавала тэрміны прыёму ў 10-11-я класы гімназій і школ